БРИКС

БРИКС — Бразилия Федератив Республикасы, Россия Федерациясе, Һиндстан Республикасы, Кытай Халык Республикасы, Көньяк Африка республикасы (2010 елның декабреннән), шулай ук 2024 елның 1 гыйнварыннан кушылган Мисыр Гарәп Республикасы, Иран Ислам Республикасы, Берләшкән Гарәп Әмирлекләре, Согуд Гарәбстаны Корольлеге һәм Эфиопия Федератив Демократик Республикасыннан торучы дәүләтара берләшмә.

Әлеге оешма 2006 елның июнендә Бразилия, Россия, Һиндстан, Кытайның икътисад министрлары катнашында узган Петербург икътисад форумы вакытында оешты. Соңрак, 2010 елда, оешмага КАР кушылды.

Илләр бердәмлегенең максаты

Илләр берлегенең максаты – икътисад һәм региональ-сәяси проблемаларга кагылышлы актуаль сораулар буенча фикер алышу, яңа сәүдә-финанс стратегияләр эшләү, шулай ук гуманитар, мәдәни һәм спорт юнәлешләрендә хезмәттәшлекне үстерү.

БРИКСта катнашучы илләр арасындагы мөнәсәбәтләр ил эшләренә катышмау, тигезлек һәм ике яклы файда принципларына нигезләнә

BRIC аббревиатурасын инглиз аналитигы Джим О’Нил әле 2001 елда ук керткән

Шул рәвешле ул икътисад, аның фикеренчә, потенциалы һәм түбән база хисабына дөньяда башкаларга караганда тизрәк үсәчәк илләр дүртлеген (Brazil, Russia, India, China) билгеләде.

Оешманың brick сүзе белән атамасы ("кирпич") очраклы түгел. Ул бу илләрнең үсеше нәтиҗәсендә бөтен дөнья икътисадының алга таба үсеше төзеләчәк, дип ассызыклый.

Джим О’Нил бәяләвенчә, 2050 елга илләр дөньяда өстенлекле икътисадый системалар булырга мөмкин.

ФАКТЛАР һәм САННАР

БРИКС илләре Җир территориясенең якынча 30%-ын били

БРИКС илләре дөнья валюта резервларының якынча 43%-ын контрольдә тота

2024 елда берләшмәгә керүче илләр саны 10 җитте

БРИКСта катнашучы илләр халкы дөнья халкының 42%-ын тәшкил итә

БРИКСка керүче илләр өлешенә дөньяның тулаем эчке продуктының (ВВП) якынча 20%-ы туры килә.